Qaza tapqandar jarylǵan júk kóliginiń qasynda kele jatqan jeńil kólikte bolǵan
Aldyn ala málimet boıynsha, Qyrym kópirindegi jarylys saldarynan úsh adam qaza tapty. Bul aqparatty Reseıdiń Tergeý komıteti jarıa etti, dep habarlaıdy Almaty-akshamy.kz Tengrinews.kz-ke silteme jasap.
Qaza tapqandar jarylǵan júk kóliginiń qasynda kele jatqan jeńil kólikte bolǵan.
"Qazirgi ýaqytta qaza tapqan eki adamnyń - er men áıeldiń denesi sýdan shyǵaryldy, olardyń jeke basy anyqtalyp jatyr", - dedi vedomstvo ókilderi.
8 qazanda tańerteń Qyrym kópirinde jarylys bolǵan. Reseı úkimeti prezıdent Vladımır Pýtınniń tapsyrmasymen tergeý komısıasyn qurdy, qalpyna keltirý jumystary bastaldy.
"Izvestıa" málimetinshe, sol kúni keshke Qyrym kópirinde avtokólikter men avtobýstarǵa qozǵalys ashyldy, biraq tolyq tekserý prosedýrasynan ótýi keregi aıtylǵan. Reseı premer-mınıstriniń orynbasary Marat Hýsnýllın 9 qazannan bastap Qyrym kópirinde kólik qozǵalysyn eki jolaqta júrgizý týraly tapsyrma berilgenin aıtqan.