Rosarıo qalasynda Devıs kýboginiń irikteý kezeńi aıasynda Qazaqstan – Argentına machynyń jerebesi tartyldy, dep habarlaıdy Almaty-akshamy.kz
Jarystyń birinshi kúni, 3 aqpanda Astana ýaqytymen saǵat 20.00-de ATR reıtıńisinde 338-orynda turǵan Dmıtrıı Popko men Fransısko Serýndolo (№22 ATR) oınaıdy.
Sodan keıin kortqa Tımofeı Skatov (№278 ATR) men Tomas Martın Echeverrı (№28 ATR) shyǵady.
Jeksenbi kúni saǵat 20.00-de juptyq synda Aleksandr Nedovesov – Tımofeı Skatov argentınalyqtar Maksımo Gonsales – Andres Moltenımen sheberlik baıqasady. Sosyn Skatov Serýndolomen, sońǵy oıynda Popko Echeverrımen kezdesedi.
Qazaqstan quramasyna salqyn tıip, aýyryp qalǵan Denıs Evseev kómektese almaıdy.
«Bizdiń komandada qatardan shyǵyp jatqandar bar. Beıbit Juqaev jaraqatyna baılanysty kele almasa, Evseev osynda daıyndalǵanymen, syrqattanyp qaldy. Sondyqtan jaǵdaı qıyn. Qarsylas komanda kúshti quramyn shyǵardy. Degenmen Popko, Nedovesov, Skatovtyń sońyna deıin kúresetini anyq», - dedi komanda kapıtany Iýrıı Shýkın.
Eske sala keteıik, budan buryn Aleksandr Býblıktiń Monpele týrnıriniń jartylaı fınalyna shyqqanyn jazǵan bolatynbyz.
A.Býblık Parıj olımpıadasyna qatysýdy maqsat etkendikten, oǵan osyndaı jarystarda sátti óner kórsetip, upaı jınaýyna múmkindik berildi.