Qazaqstan men Reseı arasynda jasyl ekonomıka salasynda belsendi yntymaqtastyq bar. Bul týraly Qazaqstan men Reseıdiń XVII Óńiraralyq yntymaqtastyq forýmyna QR Prezıdenti Qasym-Jomart Toqaev aıtty, dep habarlaıdy almaty-akshamy.kz
«Qazaqstan men Reseı arasynda jasyl ekonomıka salysynda belsendi yntymaqtastyq júrip jatyr. Osy oraıda elderdiń jańaratyn ári balamaly energetıkany damytý úshin zor áleýeti bar. 2030 jylǵa qaraı Qazaqstan jańaratyn energıa kózderin eldiń energıa balansynda qazirgi 3 paıyzdan 15 paıyzǵa deıin arttyrady. Ol úshin ınvestorlarǵa jan-jaqty qoldaý kórsetip kelemiz», - Qasym-Jomart Toqaev.
Sonymen qatar Memleket basshysy elimiz jel energıasynyń joǵary áleýetine ıe ekenin atap ótti. Munymen qosa, bizdiń el «jasyl» sýteginiń joǵary eksporttyq áleýeti bar 8 eldiń qataryna enip otyr.
«Balamaly energetıka salasynda jobalardy júzege asyrý óndiristik ári ǵylymı ınfraqurylymdy qurýdy, joǵary bilikti kadrlardyń bolýyn talap etetini aıqyn. Sondyqtan biz energetıkalyq salada joǵary tehnologıalyq ınovasıalar boıynsha quzyret ortalyǵyn quryp jatyrmyz», - dedi Memleket basshysy.