«Ǵylym, tehnologıa jáne ınovasıa: jańa belesterge jol ashý» atty taqyryp boıynsha ótetin vırtýaldy samıtke Birikken Arab Ámirlikteri tóraǵalyq etedi.
Búgin, 16 maýsymda, Prezıdent Qasym-Jomart Toqaev Islam yntymaqtastyǵy uıymynyń (IYU) ǵylym jáne tehnologıa jónindegi ekinshi samıtine beınebaılanys arqyly qatysady, dep habarlaıdy Almaty-akshamy.kz. Bul týraly Memleket basshysynyń baspasóz hatshysy Berik Ýálı habarlady.
«Jıynda ǵylym, tehnologıa jáne ınovasıa salalaryndaǵy ózara yqpaldastyq máseleleri, sondaı-aq 2026 jylǵa deıingi atalǵan baǵyttardaǵy IYU baǵdarlamasynyń júzege asyrylý barysy talqylanbaq.
Jalpy IYU-nyń ǵylym jáne tehnologıa jónindegi samıti Qazaqstannyń bastamasymen ótip keledi. Alǵashqy samıt 2017 jyldyń qyrkúıek aıynda elordada ótken bolatyn», -delingen baspasóz hatshysynyń Feısbýktegi paraqshasynda.
Búgingi is-shara Nur-Sultan qalasynyń ýaqyty boıynsha saǵat 15:00-de bastalady dep josparlanǵan. Samıttiń tikeleı kórsetilimin myna silteme boıynsha kórýge bolady: https://www.youtube.com/user/OICofficial