Sportshylar jappaı búginnen qalmaı ekpe alýda
Olımpıada oıyndarynyń qarsańynda koronavırýsqa qarsy vaksına óte mańyzdy. Óıtkeni, komandanyń bir múshesi ınfeksıa juqtyrsa, onda búkil ujymnyń jumysyna qaýip tónýi múmkin. Sondyqtan qazirgi kezde Almatyda kásibı sportshylar jappaı vaksına alýda. Bul týraly "Almaty" hokeı klýbynyń shabýylshysy Artem Býrdelev bylaı deıdi:
– Sanaly ǵumyrymdy sportqa arnaǵan janmyn. Jarystardan qalmadym. Menińshe, sport áleminde mundaı shekteýler bolǵan emes. Bizdiń komanda indetke deıin kún saıyn jattyǵatyn, al koronavırýstyń kesirinen barlyq jattyǵý prosesi toqtady. Endi vaksınanyń arqasynda alańǵa qaıta oralyp, erkin jattyǵa alamyz.
Ókinishtisi, adamdar áli de ekpe saldyrýǵa salǵyrt qaraýda, betperde kımeı, áleýmettik qashyqtyqty saqtamaýda. Men qala turǵyndaryn vırýsqa qarsy kúreste birigýge, vaksına alýǵa shaqyramyn.
Jaqynda vaksına aldym jáne bul qajetti shara dep sanaımyn. Imýnıtetti arttyrý, ony vırýspen kúresýge daıyn etý mańyzdy.
Óz jankúıerlerime de aıtarym, biz sizderdiń qoldaýlaryńyzǵa zárýmiz. Biz úshin ujymdyq ımýnıtetti qalyptastyrý mańyzdy. Sondyqtan alypqashty áńgimeler men taraǵan jalǵan aqparatqa senbeńizder.
Bizdiń jeńisimizdi kórý úshin vaksına alyp, hokeıge kelińizder!
Nazym Qyzaıbaı, bokstan áıelder arasynda eńbek sińirgen sport sheberi, eki dúrkin álem chempıony:
– Ótken jyly bastalǵan indet meniń Olımpıadaǵa qatysýyma, ekinshi lısenzıany alýyma kedergi keltirdi. Bul meniń armanym edi. Taǵy bir kemshiligi - sport zaldary jabylyp, meniń úıde jattyǵýyma týra keldi. Bıyl jaǵdaı ózgerdi. Qalada jappaı ımmýndaý bastalǵannan keıin koronavırýsqa qarsy ekpe aldym. Bizdiń sportshylarymyz da vaksınaǵa qarsy emes. Eshqandaı májbúrleý bolǵan joq, barlyǵy densaýlyqty saqtaýǵa, jattyǵý prosesin qalpyna keltirýge, zalda jankúıerlerdi kórýge múmkindik beretin qajettilik ekenin túsindi. Infeksıaǵa turaqty ımýnıteti joq adamdar vaksına alýy qajet. Óz basym boksshylardyń arasynda alǵashqylardyń biri bolyp vaksına aldym. Óıtkeni bul - COVID-19-ǵa qarsy kúres!
Tamara Pochekýtova, semserlesýden halyqaralyq dárejedegi sport sheberi:
– Koronavırýs bizdiń otbasymyzdy aınalyp ótpedi, otbasy músheleri túgel aýyrdy. Múmkin men vırýstyń tasymaldaýshysy bolǵan shyǵarmyn, biraq aýrýdy asımptomatıkalyq jolmen bastan ótkerdim. Bul indetten 85 jastaǵy atam uzaq ýaqyt aýrýhanada emdeldi. Ol dárigerlerdiń qamqorlyǵy men ımýnıtetiniń arqasynda jazylyp shyqty. Vaksına paıda bolǵannan keıin atam ekpe aldy. Ol bul sheshimdi óz erkimen qabyldady.
Men áli vaksına alǵan joqpyn, biraq ekpeni qoldaımyn. Búginde qaı vaksınany alǵan durys ekenin tańdaýdamyn. Bul - óte qaýipti aýrý, sondyqtan men ózimdi, týystarymdy qorǵaǵym keledi. Men olardyń saý bolǵanyn qalaımyn.
İndetke baılanysty bizde kóptegen jarystar men jıyndar toqtatyldy. Biz Olımpıadaǵa daıyndala almadyq, biraq lısenzıa alýymyz kerek edi. Vaksına – bul ádettegi jattyǵý ómirine oralýdyń, jarystarǵa barýdyń, jańa jeńisterge jetýdiń jalǵyz joly.
Olımpıadaǵa daıyndyq uzaq ýaqyt alady. Eń mańyzdy jarystarǵa az ýaqyt qaldy. Sondyqtan Almaty sportshylary búgin ekpe alady. Siz de olarǵa qosylyp alǵyńyz kelse, megapolıstiń 208 ekpe pýnktiniń birine habarlasyńyz. Olar medısınalyq uıymdarda, mektepterde, mádenıet, sport nysandarynda, bazar men qalanyń SOSO-da ornalasqan.
16 maýsymdaǵy jaǵdaı boıynsha, 351 497 adam vaksına saldyrdy. 60 jastan asqan 39 026 adam ekpe aldy.