Shaǵyn jáne orta bıznesti qoldaýǵa 45 mlrd teńgeniń qoldaýy kórsetilmek.
QR Qarjy mınıstriniń orynbasary Tatána Saveleva qańtar oqıǵasynda zardap shekken shaǵyn jáne orta bıznes sýbektilerin qoldaýǵa bólinetin qarajattyń mólsheri naqtylanǵanyn málim etti, dep habarlaıdy Almaty-akshamy.kz QazAqparatqa silteme jasap.
«Qańtar oqıǵasynyń saldaryn joıýǵa 31 mlrd teńge baǵyttaldy. Onyń ishinde Almaty qalasy men ózge óńirlerde zardap shekken shaǵyn jáne orta bıznes sýbektilerine 21 mlrd teńge qarastyrylǵan», - dedi Tatána Saveleva Parlamentte jańa zań jobasyn tanystyrý kezinde.
Aıtýynsha, jalpy bıyl shaǵyn jáne orta bıznesti qoldaýǵa 45 mlrd teńgeniń qoldaýy kórsetilmek. Onyń 24 mlrd teńgesi búginge deıin Úkimet rezervinen bólinip qoıǵan.
«Zaqymdalǵan ákimshilik, áleýmettik, komýnaldyq nysandardy, ınfraqurylymdardy qalpyna keltirýge 10 mlrd teńge baǵyttaý usynylady. Indýstrıa jáne ınfraqurylymdyq damý mınıstrliginiń málimetinshe, ınfraqurylymdy qalpyna keltirýge jalpy jıyny 22 mlrd teńge qajet. Onyń 12 mlrd teńgesi Úkimet rezervinen buǵan deıin bólingen. Qalǵan 37 mlrd teńge Úkimet rezerevinde qarastyrylǵan. Qujattar daıyn bolǵanda bólinedi. Almaty qalasyndaǵy Prezıdent rezıdensıasy men ǵımarattardy súrýge 6 mlrd teńge bólý josparlanǵan», - dedi vıse-mınıstr.
Aıta keteıik, buǵan deıin QR Ulttyq ekonomıka mınıstri Álibek Qýantyrov jýrnalıserge Ulttyq qordan kepildendirilgen transfertti naqtylaý ne úshin qajet bolǵanyn túsindirgen bolatyn.