Shymkentte Nazira Gold qarjy pıramıdasyna qatysy bar 9 adam sottaldy, - dep habarlaıdy aqshamnews.kz tilshisi.
Tergeýdi QMA Shymkent qalasy boıynsha departamenti júrgizdi. Ózin zergerlik buıymdardy satýmen aınalysatyn kompanıa retinde tanystyrǵan kúdiktiler salymshylarǵa aı saıyn salynǵan qarjynyń 20-40% kóleminde tabys ýáde etken.
Alaıda tólemder naqty tabystan emes, jańa salymshylardyń esebinen júzege asyrylyp otyrǵan. Nátıjesinde qarjy pıramıdasyna 4 myńnan astam azamat tartylǵan.
Kúdiktiler salymshylardan túsken aqshany qymbat avtokólikter, jer telimderi men páterler satyp alýǵa jumsaǵan. Sot úkimimen 9 adam kináli dep tanylyp, olarǵa 5 jyldan 10 jylǵa deıin bas bostandyǵynan aıyrý jazasy taǵaıyndaldy. Sonymen qatar, sot sheshimimen 402 mln teńge kólemindegi qarajat, 52 avtokólik, jeke turǵyn úı, elıtalyq turǵyn úı keshenderindegi 2 páter, sondaı-aq, 17 keli zergerlik buıym memleket paıdasyna tárkilendi.
Úkim zańdy kúshine engen joq.