Almatyda 30-31 qazan aralyǵynda FAIO 2025 – jasandy ıntellekt boıynsha ekinshi halyqaralyq olımpıada ótedi. Bul - jasandy ıntellekt salasyndaǵy oqýshylardyń eń iri komandalyq jarys, - dep habarlaıdy aqshamnews.kz tilshisi.
Bıylǵy irikteý kezeńine 9 elden 400-den astam komanda qatysty. Qazaqstan, Reseı, Bolgarıa, Grýzıa, Qyrǵyzstan, Ózbekstan, Armenıa, Tájikstan jáne Kıpr syndy elderden jalpy sany 1200-ge jýyq qatysýshy baq synap, onyń ishinde 200-den astamy fınaldyq kezeńge joldama aldy.
Endi Almaty qalasynda ótetin fınalda 7 elden kelgen 51 komanda tartysqa túsedi.
Halyqaralyq báseke 2024 jyly alǵash ret ótkizildi. Oǵan elimizdiń ár óńirinen 300-den astam komanda qatysyp, olımpıada fınalısteri Beıjiń qalasynda ótken Halyqaralyq AI olımpıadasynda (IOAI) joǵary nátıjelerge qol jetkizdi.