Naýryzbaı aýdanynda býferlik aýmaqtardy keshendi kórkeıtý boıynsha aýqymdy joba bastaldy. Jumys 2025 jyly qyrkúıekte qolǵa alyndy. Jobanyń maqsaty – turǵyndar úshin qolaıly, qaýipsiz jáne ekologıalyq jaıly qala ortasyn qalyptastyrý. Bul týraly Naýryzbaı aýdanynyń ákimdigi habarlady.
Bıyl negizgi jumys Shalápın kóshesi men Abaı dańǵylynan tómen ornalasqan býlvar aýmaǵynda bastalǵan. Munda kógaldandyrý, kórkeıtý elementterin ornatylyp jatyr. Sondaı-aq, josparǵa Qonaev kóshesi engizilgen. Onda kógaldandyrý, tehnıkalyq júrginshi jolyn jasaý jáne avtomatty sýarý júıesin ornatý kózdelip otyr.
Joba aıasynda drenaj jáne aryq júıelerin jetildirýge erekshe kóńil bólingen. Bul sharalar turǵyn úıler aýmaǵyn sý basýdan qorǵap, jaıaý júrginshi aımaqtarynyń uzaq merzimdi saqtalýyn qamtamasyz etedi. Budan bólek, kógaldy tas tóseý, sándik jaryq shamdaryn ornatý, aǵashtar men butalar otyrǵyzý jumystary da júrgizilip jatyr.
Abattandyrý jobasy aýdannyń kórkin arttyryp qana qoımaı, turǵyndardyń ómir súrý sapasyn jaqsartýǵa da sep bolady. Turǵyn alaptar arasyndaǵy jasyl dálizder men abattandyrylǵan ótpeli aımaqtardyń qurylýy shań-tozańdy azaıtyp, aýanyń tazalyǵyn jaqsartady jáne qala ortasyn serýen men demalysqa barynsha qolaıly etedi.
Naýryzbaı aýdany ákimdiginiń málimetinshe, býferlik aımaqtardy abattandyrý — qalalyq ınfraqurylymdy men ekologıalyq tepe-teńdikti damytýda mańyzdy qadam. Jobanyń basty maqsaty — turǵyn úıler, saıabaqtar men qoǵamdyq keńistikterdi biriktiretin úzdiksiz jasyl jelek beldeýin qalyptastyrý.
2026 jyly abattandyrý jumystary jalǵasady. Kelesi kezeńde Tájıev, Asqarov jáne Arman kóshelerin jańartý kózdelip otyr. Bul jumystar jekelegen aýmaqtardy birtutas abattandyrylǵan júıege biriktirip, Naýryzbaı aýdanyn Almatynyń eń jasyl ári eń jaıly aýdandarynyń birine aınaldyrýǵa múmkindik beredi.