Óńirlik komýnıkasıalar qyzmetiniń alańynda ótken brıfıńte Almaty qalasy jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov ataýly áleýmettik kómek (AÁK) kórsetý máselelerine toqtalyp, bul kómektiń negizgi maqsaty – azamattarǵa ýaqytsha qıyn jaǵdaıdan shyǵýǵa járdemdesý ekenin atap ótti.
«AÁK – ómir boıy beriletin járdemaqy emes. Ol otbasyǵa qıyn sátte tirek bolyp, qaıta aıaqqa turýǵa múmkindik beretin qoldaý túri. Bizdiń basty mindet – adamdarǵa tek materıaldyq kómek emes, jumysqa ornalasýǵa jáne ózin-ózi damytýǵa jol ashý», - dedi Baýyrjan Jaýbasov.
Onyń aıtýynsha, eńbekke qabiletti otbasy músheleri jumyspen qamtý baǵdarlamalaryna qatysqan jaǵdaıda ǵana kómek alý múmkindigine ıe bolady.
AÁK eki baǵytta kórsetiledi:
- Shartsyz kómek – eńbek etýge múmkindigi joq azamattarǵa (I–II toptaǵy múgedekter, qarttarǵa kútim jasaıtyndar jáne t.b.) beriledi.
- Shartty kómek – eńbekke qabiletti otbasy músheleri jumysqa ornalasý, oqytý, qoǵamdyq jumystar sıaqty belsendi sharalarǵa qatysqanda kórsetiledi.
- 2025 jylǵy 1 qazan jaǵdaıy boıynsha Almatyda 1 819 otbasy nemese 9 063 adam ataýly áleýmettik kómek alǵan.
«Mundaı sharalar adamdarǵa tek qıyndyqty eńserýge emes, óz kúshine degen senimdilikti, eńbekke degen yntany arttyrýǵa kómektesedi», - dep qorytyndylady spıker.