Almaty qalasynyń ákimi Darhan Satybaldynyń ókimimen jáne Qazaqstan Respýblıkasy Prezıdenti Ákimshiliginiń kelisimimen Almaty ákiminiń orynbasary bolyp Abzal Núkenov taǵaıyndaldy, - dep habarlaıdy aqshamnews.kz tilshisi.
Ol ishki saıasat, mádenıet, sport, bilim, jastar saıasaty jáne din isteri salalaryna jetekshilik etedi.
Abzal Núkenov týraly ne belgili?
Abzal Núkenov 1978 jyly 21 shildede Jetisý oblysynda dúnıege kelgen. Ál-Farabı atyndaǵy Qazaq ulttyq ýnıversıtetin támamdaǵan. Saıası ǵylymdar kandıdaty.
Eńbek jolyn 2000 jyly bastaǵan. Almaty qalasy İshki saıasat departamentinde jumys istegen, Áýezov aýdany ákiminiń orynbasary bolǵan.
Ár jyldary Qaýipsizdik Keńesiniń Sıtýasıalyq ortalyǵyn basqarǵan, Din isteri jáne azamattyq qoǵam vıse-mınıstri, Qaraǵandy oblysy ákiminiń orynbasary, sondaı-aq Qazaqstan Respýblıkasy Prezıdenti Ákimshiliginde basshylyq laýazymdarda qyzmet atqarǵan.
Búgingi kúnge deıin Qazaqstan Respýblıkasy Prezıdenti Ákimshiliginiń İshki saıasat bóliminiń meńgerýshisi bolyp jumys istegen.