Almaty ákiminiń burynǵy orynbasary Erjan Babaqumarov qaza tapty, - dep habarlaıdy aqshamnews.kz tilshisi Kazinform agenttigine silteme jasap.
Aldyn ala málimetter boıynsha, ólim sebebi - soqqyǵa jyǵylý. Kúdikti ustaldy.
Qaıǵyly oqıǵa 30 qazanǵa qaraǵan túni bolǵan. Aldyn ala aqparatqa sáıkes, Erjan Babaqumarov tanystarymen birge kesh ótkizgen. Alaıda otyrys kezinde olardyń arasynda janjal týyp, tóbeleske ulasqan. Saldarynan Babaqumarov alǵan jaraqattarynan kóz jumǵan.
Basylym málimetinshe, kúdikti ustalyp, ýaqytsha ustaý ızolátoryna qamaýǵa alynǵan.
Polısıa bul aqparatty rastady.
"Adam óltirý deregi boıynsha qylmystyq is qozǵaldy. Aldyn ala málimetterge sáıkes, burynnan tanys er adamdar sózge kelip, janjal tóbeleske ulasqan. Saldarynan 56 jastaǵy er adam alǵan jaraqattarynan kóz jumǵan. Kúdikti ustalyp, ýaqytsha ustaý ızolátoryna qamaldy. Qazir sotaldy tergeý júrip jatyr", - dep habarlady polısıa.
Erjan Babaqumarov 2019 jylǵy shildeden 2022 jylǵy aqpanǵa deıin Almaty qalasy ákiminiń orynbasary qyzmetin atqarǵan. Sondaı-aq, ol Ortalyq komýnıkasıalar qyzmetin basqarǵan jáne premer-mınıstr keńsesinde jumys istegen. Ár jyldary Prezıdenttiń keńesshisi jáne mádenıet pen aqparat vıse-mınıstri bolǵan.