Almaty qalalyq Qoǵamdyq densaulyq saqtau basqarmasynyń basshysy Marat Pashımov megapolıstegí medıtsınalyq turızmníń damu perspektıvasy men būl salany básekege qabílettí baǵytqa aınaldyru sharalary turaly aıtty.
Onyń aıtuynsha, Almatyda medıtsınalyq turızmdí damytuǵa zor múmkíndík bar. Qalada kóp deńgeılí medıtsına ūıymdary jūmys ísteıdí, zamanauı tehnologıyalar qoldanylyp, joǵary sapa standarttary saqtalady. Sonymen qatar, baǵalar qoljetímdí, al TMD elderíníń azamattary úshín tíldík kedergí joq.
«Almaty qazírdíń ózínde kórshíles elderden keletín nauqastar úshín tartymdy baǵytqa aınalyp otyr. Ásírese Reseı, Ózbekstan jáne Qyrǵyzstannan keletín patsıentterdíń sany tūraqty túrde ósíp keledí», - dedí Marat Pashımov.
Medıtsınalyq turızmdí damytu maqsatynda qalada aqparattyq-túsíndíru jūmystary júrgízílude, saqtandyru jáne assıstens kompanıyalarymen áríptestík nyǵaıyp keledí, onlaın-konsultatsıyalar ūıymdastyrylyp, sheteldík nauqastardy qabyldau júıesí jolǵa qoıylǵan.
Qazírgí tańda megapolıstegí 25 medıtsınalyq ūıym onkologıya, hırurgıya, akusherlík jáne psıhonevrologıya sıyaqty túrlí baǵyttar boıynsha joǵary tehnologıyalyq kómek kórsetedí.
2025 jyldyń alǵashqy jartyjyldyǵynda Almaty statsıonarlarynda 178 sheteldík patsıent emdeldí. Olardyń íshínde:
– 81 adam — Reseıden,
– 25 adam — Ózbekstannan,
– 24 adam — Qyrǵyzstannan.
Kóbíne kórsetíletín medıtsınalyq qyzmet túrlerí: akusherlík pen bosandyru ísí, onkologıya, hırurgıya, terapıya, urologıya jáne psıhıatrıya.
Sondaı-aq, Qazaqstan zańnamasyna sáıkes, qandastar, bosqyndar, sheteldíkter jáne elde tūraqty tūratyn azamattyǵy joq tūlǵalar da qazaqstandyqtarmen teń dárejede medıtsınalyq kómek aluǵa qūqyly. Būl kómek kepíldendírílgen tegín medıtsınalyq kómek kólemí (KTMKK) jáne míndettí áleumettík medıtsınalyq saqtandyru (MÁMS) júıesí ayasynda kórsetíledí.
«Medıtsınalyq turızmdí damytu - tek qosymsha tabys kózí ǵana emes, sonymen bírge medıtsınalyq kómektíń sapasyn arttyruǵa jáne Almatynyń densaulyq pen ınnovatsıyalar qalasy retíndegí halyqaralyq bedelín nyǵaıtuǵa múmkíndík beredí», - dep qorytyndylady Almaty qalalyq Qoǵamdyq densaulyq saqtau basqarmasynyń basshysy Marat Pashımov.