Qazaqstandyq tenısshi Aleksandr Býblık Parıjde ótip jatqan ATP 1000 serıasynyń úshinshi aınalymyna joldama aldy, - dep habarlaıdy aqshamnews.kz tilshisi.
Álemdik reıtıńte 16-orynda turǵan Býblık ekinshi aınalymda álemniń 32-raketkasy, fransıalyq Korenten Mýtemen kezdesti.
Kezdesý eki setpen aıaqtalyp, 6:3, 7:5 esebimen Býblık jeńiske jetti. Qarsylastar kortta 1 saǵat 36 mınýt ýaqyt ótkizdi.
Oıyn barysynda qazaqstandyq tenısshi alty eıs jasap, eki qos qatelikke jol berdi. Ol on breık-poınttyń ekeýin tıimdi paıdalandy.
Úshinshi aınalymda Aleksandr Býblık álemdik reıtıńte tórtinshi orynda turǵan amerıkalyq Teılor Frıtspen kezdesedi.