Qaterli isikke shaldyqqan adamdar uzaq ýaqyt boıy belgilerdi sezbeýi múmkin. Sondyqtan ony erte anyqtaý óte mańyzdy, bul aýrýdyń aldyn alý múmkindigin aıtarlyqtaı artady. Bul týraly onkology Iýlıa Ponkratova túsindirdi, - dep habarlaıdy aqshamnews.kz tilshisi.
Kimderge tekserilgen jón?
"Tekserý jyl saıyn baqylaý aıasynda da, alańdatatyn belgiler paıda bolǵanda da júrgizilýge tıis", - deıdi maman.
Dárigerge mindetti túrde qaralý kerek belgiler:
- sebepsiz sharshaý, álsizdik;
- tez sharshaý;
- lezde aryqtap ketý;
- dene temperatýrasynyń sebepsiz kóterilýi;
- teri túsiniń bozarýy;
- belgili bir aımaqta mezgil‑mezgil paıda bolatyn aýyrsynýlar.
Sút bezi (mammografıa)
"Sút beziniń qaterli isigin anyqtaýda eń nátıjeli zertteý - mammografıa", - dep túsindiredi Iý. Ponkratova.
40 jastan asqan áıelderge mammografıany ár 2 jyl saıyn ótý usynylady. Al genetıkalyq beıimdiligi barlar jyl saıyn tekserilgen jón.
PSA (prostata‑spesıfıkalyq antıgen)
Er adamdarǵa prostata beziniń jasýshalary shyǵaratyn PSA deńgeıin tekserý 45, 50, 55, 60 jáne 64 jasynda usynylady. PSA kórsetkishiniń ósýi prostatanyń qaterli isiginen habar berýi múmkin.
İshek qaterli isigi - qanǵa taldaý (ımmýnohımıalyq ádis) jáne kolonoskopıa
40–64 jastaǵy adamdarǵa bul taldaýdy ár 2 jylda bir jasatý, al 65–75 jas aralyǵynda - jyl saıyn jasaý usynylady.
Jatyr moıny qaterli isigin anyqtaý - Pap‑test (onkosıtologıa)
Jatyr moıyny isigin erte anyqtaýda senimdi ádis - Pap‑testi. Bul jatyr moıny men servıkaldyq kanaldan alynǵan jasýshalardyń sıtologıalyq zertteýi. Mindetti qaralatyn kezeńder: 25–49 jas aralyǵynda - ár 3–5 jyl saıyn, 50 jastan asqannan keıin - ár 5 jyl saıyn.
Kompúterlik tomografıa (KT) jáne magnıttik‑rezonansty tomografıa (MRT)
KT men MRT - isikterdi anyqtaýda mańyzdy ról atqarady, alaıda olardy da dáriger ruqsatymen taǵaıyndaý qajet. Bul zertteýler isiktiń mólsheri, ornalasýy jáne taralýyn baǵalaýǵa kómektesedi.