Zardap shekkenderge ruqsat etilmegen ádisterdi qoldaný boıynsha jaýyp alynǵan.
Bul týraly QR Bas prokýratýrasy arnaıy prokýrorlyq qyzmet basqarmasynyń basshysy Rızabek Ojarov «Kazahstanskaıa pravda» basylymyna bergen suhbatynda málimdedi, dep habarlaıdy Almaty-akshamy.kz
«Kúni keshe ǵana jaýap alýdyń ruqsat etilmegen ádisterin qoldaný faktileri boıynsha qylmystyq isterdi qabyldadyq. Buǵan deıin olardy sybaılas jemqorlyqqa qarsy qyzmet tergegen. Mundaı isterdiń barlyǵy bizge tapsyrylǵan joq. Bizge tek aýyr zardaptar, dálirek aıtsaq, ustalǵandardyń ólimi tirkelgen jaǵdaılar ǵana usynyldy. Bizge jetken málimet boıynsha, ruqsat etilmegen ádisterdi qoldaný arqyly jaýap alý saldarynan Almatydaǵy ýaqytsha ustaý abaqtysynda eki adam, Shyǵys Qazaqstan oblysynda úsh adam jáne Taldyqorǵanda bir adam qaza tapqan», - dedi Rızabek Ojarov.