Álemde vaksınasıanyń ortasha deńgeıi - 60%
Dúnıejúzilik densaýlyq saqtaý uıymynyń bas dırektory Tedros Adanom Gebreısýs búkil memleketterdi halyqtyń kem degende 70%-yn koronavırýsqa qarsy ekpemen qamtamasyz etýge jáne qajet bolǵan jaǵdaıda sanıtarıalyq shekteýlerdi qaıta engizýge daıyn bolýǵa shaqyrdy, dep habarlaıdy Almaty-akshamy.kz QazAqparat-qa silteme jasap.
DDSU málimetinshe, qazir 70% kórsetkishke tek 57 memleket qol jetkizdi, álemde vaksınasıanyń ortasha deńgeıi - 60%.
«Barlyq aımaqtarda ornalasqan 70-ke jýyq elde COVID-19 juqtyrý jaǵdaılary týraly habarlamalar sanynyń ósýi baıqaldy jáne bul álemde testileý kúrt tómendegen kezde oryn alady», - dedi DDU basshysy.
Gebreısýs álemde koronavırýstyń taralý joly men qarqynyn boljaý múmkin emes ekenin atap ótti. 100% vaksınasıalanýǵa tıis eń osal toptar — medısına mamandary, 60 jastan asqan adamdar jáne densaýlyq jaǵdaıy nashar adamdar. 31 mamyrda álemde COVID-19 koronavırýsyn juqtyrýdyń 532 210 230 jaǵdaıy tirkeldi. Sońǵy táýlikte juqtyrǵandar sany 387 804 adamǵa ósti. Álemde koronavırýs ınfeksıasynan qaıtys bolǵandardyń jalpy sany - 6 312 017 adam. Sonymen qatar búginde 691 ólim tirkeldi. Vırýstan tolyq emdelgender sany: 503 169 548 adam.