Azamattardyń eńbek quqyqtaryn qorǵaý prokýrorlardyń qadaǵalaý salasynyń basym baǵyttarynyń biri bolyp tabylady, dep habarlaıdy almaty-akshamy.kz.
Keıbir azamattardyń eńbek qatynastary salasynda tıisti bilimi joq ekeni belgili, ony josyqsyz jumys berýshiler ózderiniń jeke múddeleri úshin paıdalana alady.
Atap aıtqanda, Qordaı aýdanynda jumys berýshi eńbek shartynyń ornyna qyzmet kórsetý shartyn jasasý arqyly jumysshynyń ómiri men densaýlyǵy úshin jaýapkershilikten jaltarý faktisi anyqtaldy.
Bul sqema jeke kásipkerge jumys ornynda qaza bolǵan jumysshynyń otbasyna ótemaqy tólemeýge múmkindik berdi.
Qordaı aýdany prokýratýrasynyń sotqa bergen talap qoıýy boıynsha kórsetilgen adamdar arasyndaǵy eńbek qatynastarynyń faktisi dáleldenip, qaza bolǵan tulǵanyń otbasyna 3 mln teńge tólendi.
Aǵymdaǵy jyly eńbek zańnamasynyń saqtalýyn qadaǵalaý sheńberinde óńir prokýrorlary 14 651 adamnyń quqyqtaryn qorǵady, onyń ishinde 1 040 qyzmetkerge 281 mln teńgege jalaqy boıynsha bereshek tólendi.
Eńbek kodeksine sáıkes jumysshylar men jumys berýshi arasynda eńbek sharttary jasalýǵa mindetti.
Bul jumysshylarǵa ózderiniń konstıtýsıalyq quqyqtaryn qorǵaýǵa kepildik beredi.