Jańa komıtet sýdyń "qara naryǵymen" kúresti kúsheıtý maqsatynda quryldy, dep habarlaıdy almaty-akshamy.kz.
Qazaqstanda jańa komıtet quryldy, dep habarlaıdy Sý resýrstary jáne ırrıgasıa mınıstrligi.
"Sýdyń "qara naryǵymen" kúresti kúsheıtý maqsatynda Sý resýrstary jáne ırrıgasıa mınıstrliginde jańa vedomstvo – Sý resýrstaryn retteý, qorǵaý jáne paıdalaný komıteti quryldy", – delingen habarlamada.
Jańa komıtet sýdy zańsyz paıdalaný jáne ony esepke alý derekteriniń burmalanýy, sonymen qatar elimizdiń sý nysandaryndaǵy quqyqqa qaıshy sharýashylyq qyzmetpen kúresedi.
Oqı otyryńyz: Qazaqstan Ulttyq Olımpıadalyq komıteti jumysyn jańa qurammen jalǵastyrady
"Mınıstrlik sýdy zańsyz paıdalanýmen belsendi kúres is-sharalaryn qolǵa aldy. Bul másele erekshe baqylaýda. Jańa komıtettiń jumysy quqyq buzýshylyqtardyń aldyn alýǵa jáne elimizdiń sý resýrstaryn qorǵaýǵa baǵyttalǵan. Bul jumystar zańnamaǵa engiziletin ózgeristermen birge sýdyń "qara naryǵyna" qarsy kúresti edáýir kúsheıtýge tıis", – dedi Sý resýrstary jáne ırrıgasıa mınıstri Nurjan Nurjigitov.