Konstıtýsıaǵa Prezıdenttiń jaqyn týystaryna saıası laýazymdarǵa ornalasýyna tyıym engiziledi.
QR Ádilet mınıstri Qanat Mýsınniń aıtýynsha, zań kúshine engennen keıin, Prezıdenttiń týystary laýazymdaryn bosatady, dep habarlaıdy Almaty-akshamy.kz.
«Mınıstrler men olardyń orynbasarlary jaıynda aıtqanymda, keıbir laýazymdardy ǵana atap ótken edim. Jalpy, Konstıtýsıaǵa Prezıdenttiń jaqyn týystaryna saıası laýazymdarǵa ornalasýyna tyıym engiziledi. Saıası laýazymdardyń tizimi barynsha keń. Oǵan belgili bir dárejedegi dıplomatıalyq qyzmetkerler de kiredi. Olardy tolyq tizip shyqqan joqpyn. Saıası laýazymdardyń tizimi ashyq, qoljetimdi. Sondyqtan kez kelgen adam qarap, qorytyndy shyǵara alady», - dedi mınıstr.
Osy rette Qanat Mýsın BAQ ókilderiniń Prezıdenttiń jaqyn bir týysynyń shet memlekette Elshi qyzmetin atqaryp júrgenine qatysty saýalyna jaýap berdi.
«Mundaı tyıym engizilgennen keıin, barlyǵy zańnamaǵa sáıkes keltiriledi. Ol bul laýazymdy bosatady. Óıtkeni, zańǵa sáıkes, ol bul qyzmetti atqara almaıdy», - dedi ol.