Qasym-Jomart Toqaev Sybaılas jemqorlyqqa qarsy is-qımyl agenttiginiń tóraǵasy Marat Ahmetjanovty qabyldady
Sybaılas jemqorlyqqa qarsy vedomstvonyń basshysy Prezıdentke agenttiktiń bıylǵy 11 aıdaǵy jumysynyń nátıjeleri týraly baıandady, dep habarlaıdy Almaty-akshamy.kz Akorda.kz-ke silteme jasap
Marat Ahmetjanovtyń aıtýynsha, bıylǵy 11 aıdyń ishinde 1576 sybaılas jemqorlyq qylmys tirkelgen. 1280 azamat, onyń ishinde respýblıkalyq jáne oblystyq deńgeıdegi 159 basshy jemqorlyq qylmys boıynsha jaýapqa tartylǵan. Talan-tarajǵa túsken 20 mıllıard teńgeden astam qarjy búdjetke qaıtaryldy.
Marat Ahmetjanov Memleket basshysyna aýyl sharýashylyǵyn sýbsıdıalaýǵa jasalǵan keshendi saraptamalardyń, kólik salasyndaǵy jaǵdaılardyń jáne qylmystyq ister boıynsha sotqa deıingi tergep-tekserýdiń qorytyndylary týraly málimet berdi.
Sondaı-aq Prezıdentke 2022-2026 jyldarǵa arnalǵan Sybaılas jemqorlyqqa qarsy saıasat tujyrymdamasyn ázirleý týraly tapsyrmasynyń oryndalý barysy jóninde esep berildi.
Memleket basshysy sybaılas jemqorlyqqa qarsy kúrestiń jańa tásilderin qoldady jáne agenttiktiń jumysyna oń baǵa berdi.