Almaty qalasynda qaramaǵyndaǵy qyzmetkerlerdiń sybaılas jemqorlyq qylmysy úshin 32 laýazymdyq tulǵa tártiptik jaýapkershilikke tartyldy. Onyń ishinde 10 laýazymdyq tulǵa atqaryp otyrǵan laýazymynan bosatyldy.
2020 jyldan bastap elimizde otstavkaǵa ketý jáne birinshi basshylardyń qaramaǵyndaǵy qyzmetkerlerdiń sybaılas jemqorlyq qylmystar jasaǵany úshin derbes jaýapkershiligi ınstıtýty jumys isteı bastady.
Sybaılas jemqorlyqqa qarsy aldyn alý sharalaryn qoldanbaǵany úshin memlekettik organdardyń birinshi basshylaryn, ortalyq jáne jergilikti memlekettik organdardyń qurylymdyq bólimsheleriniń basshylaryn tártiptik jaýaptylyqqa tartýdy qamtamasyz etý jónindegi memlekettik organdardyń jumysyna monıtorıń júrgizý Qazaqstan Respýblıkasy Memlekettik qyzmet isteri agenttigine jáne onyń aýmaqtyq bólimshelerine júktelgen bolatyn.
Monıtorıń kúndelikti júrgizilýde jáne onyń qorytyndysyna súıensek, Almaty qalasynda aǵymdaǵy jyldyń 9 aıynda qaramaǵyndaǵy qyzmetkerlerdiń sybaılas jemqorlyq qylmys jasaǵany úshin 32 laýazymdy tulǵa tártiptik jaýapkershilikke tartyldy. Onyń ishinde «eskertý» – 1, «sógis» túrinde tártiptik jazaǵa 6 adam tartyldy, «qatań sógis» – 7, «qyzmetke tolyq sáıkes emestigi týraly eskertý» alǵandar – 8, al 10 laýazymdy tulǵa atqaryp otyrǵan qyzmetinen bosatyldy.
Basshylardy tártiptik jaýapkershilikke tartýdy qamtamasyz etýden basqa, departamentpen birlesip sybaılas jemqorlyqtyń aldyn alý jumystary júrgizilýde. Jemqorlyqtyń aldyn alýǵa baǵyttalǵan is-sharalar ázirleý Ádep jónindegi keńestiń negizgi mindetteriniń biri bolyp tabylady.
Osyǵan oraı, atalǵan másele boıynsha jumysty úılestirý barysynda Almaty qalasynyń Ádep jónindegi keńesiniń otyrysynda sybaılas jemqorlyq qylmys jasaý faktileri oryn alǵan memlekettik organdardyń basshylary tyńdalyp, qorytyndysy boıynsha baǵynyshty qyzmetkerlerdiń sybaılas jemqorlyq quqyq buzýshylyqtar jasaýynyń aldyn alýǵa baǵyttalǵan naqty usynymdar berildi.
Departament baǵynyshty qyzmetkerlerdiń sybaılas jemqorlyqqa jol bergeni úshin basshylardyń jaýapkershiligi týraly zańnamalyq normanyń oryndalýyna monıtorıńti jalǵastyrýda.