Prezıdent Qasym-Jomart Toqaev Qazaqstan halqy Assambleıasynyń HHHİİ sesıasynyń otyrysynda toleranttylyqty nasıhattap júrgen kreatıvti ındýstrıa ókilderiniń eńbegin atap ótti, dep habarlaıdy almaty-akshamy.kz
«Ótken jyldyń boıynda Assambleıa ókilderi eldegi rezonanstyq jaǵdaılarǵa baılanysty pragmatıkalyq jáne uıystyrýshy ustanymdy alǵa tarta otyryp, birneshe ret málimdeme jasady. Sizder qoǵamdyq birlestiktiń bir bóligi ǵana emes, beıbitshilik pen kelisim ıdeıasynyń naǵyz ókiletti ókilderisiz. Etnosaralyq jáne konfesıaaralyq qatynastar sıaqty sezimtal taqyrypty talqylaý kezinde árqashan parasattylyq pen kóregendiktiń úlgisin kórsetip júrsizder», - degen Memleket basshysy osy tásilge súıene otyryp, qoǵamda daý týǵyzýǵa tyrysatyn kez kelgen áreketke qarsy turýǵa bolatynyn meńzedi.
«Ár azamat el ishinde de, shetelde de halqymyzdyń birligi men yntymaqtastyq qundylyqtaryn batyl qorǵaýy tıis. Áleýmettik jelidegi chellendjder buǵan jaqsy mysal. Bizdiń etnosy ártúrli azamattarymyz halyqtyń birligin pash etip, elde kemsitýshiliktiń joq ekenin jar salyp júr. Kreatıvti ındýstrıa ókilderi men jaı ǵana shyǵarmashylyq adamdar Qazaqstandaǵy dostyq pen ózara túsinistiktiń erekshe atmosferasyna, azamattarymyzdyń meıirimdiligi men toleranttylyǵyna arnalǵan kontent jasap júrgeni qýantady. Mundaı ánder, óleńder, beınerolıkter árdaıym kórermenderdiń ynta-jigerin oıatady», - dedi Memleket basshysy.