Belgili jýrnalıs Batyr Qazybaev baqılyq boldy
Memleket basshysy Qasym-Jomart Toqaev belgili jýrnalıs Batyr Qazybaevtyń týystary men jaqyndaryna kóńil aıtty, dep habarlaıdy Almaty-akshamy.kz
Prezıdent Qasym-Jomart Toqaev belgili jýrnalıs, medıamenedjer Batyr Qazybaevtyń dúnıeden ótýine baılanysty onyń anasy, tanymal qalamger, ustaz Orynsha Qarabalınaǵa kóńil aıtý jedelhatyn joldady.
«Ardaqty ulyńyz Batyr Kákimjanuly aqparat salasynda tabysty qyzmet etip, iri medıajobalardy júzege asyrdy. Otandyq aqparattyq portaldar, radıo men telearnalardyń negizin qalap, elimizdiń jýrnalısıka salasynyń damýyna ólsheýsiz úles qosty. Óziniń tabıǵı qarapaıymdylyǵymen, ushqyr oılarymen jáne iskerligimen elge syıly boldy. Ómirde adal eńbek etip, óz isiniń bilgir mamany retinde sońyna óshpes iz qaldyrǵan Batyr Kákimjanulynyń jarqyn beınesi umytylmaıdy», - delingen Prezıdenttiń jedelhatynda.