Biryńǵaı jınaqtaýshy zeınetaqy qory salymshylarynyń zeınetaqy jınaqtary 2022 jylǵy 1 naýryzdaǵy jaǵdaı boıynsha 13,6 trıllıon teńgege jetti.
Bul rette eki aıdaǵy ınvestısıalyq tabys 522 mlrd teńgeden asty, dep habarlaıdy Almaty-akshamy.kz
«Zeınetaqy jınaqtarynyń aıtarlyqtaı ósimi taza ınvestısıalyq tabystyń arqasynda qamtamasyz etildi. Ol 2022 jyldyń 1 qańtarynan 1 naýryzyna deıin shamamen 522,3 mlrd teńgeni qurady. Bul ótken jylǵy kórsetkishinen eki ese nemese 304,4 mlrd teńgege artyq», - delingen BJZQ habarlamasynda.
Ulttyq banktiń basqarýymen BJZQ zeınetaqy aktıvteri boıynsha kiris 2022 jyldyń basynan bastap 4%-dy, ınflásıa 1,5%-dy qurady. Bul rette sońǵy kúntizbelik 12 aıda kiris 13,65%-dy, osy kezeńdegi ınflásıa kezinde 8,7%-dy qurady.
Eske sala ketsek, ınvestısıalyq tabystyń quramyna baǵaly qaǵazdar boıynsha syıaqy túrindegi kirister, qarjy quraldaryn naryqtyq qaıta baǵalaý túrindegi kirister, valútalyq qaıta baǵalaý túrindegi kirister, syrtqy basqarýdaǵy aktıvter boıynsha kirister jáne basqalary kiredi.
Jalpy, barlyq zeınetaqy aktıvteri BJZQ-ǵa biriktirilgen sátten bastap Ulttyq bank qamtamasyz etken ınvestısıalyq tabys 6,6 trln teńgeni qurady.
«Osylaısha, jınaqtaýshy zeınetaqy júıesi qoldanyla bastaǵan kezden bastap 2022 jylǵy 1 naýryzǵa deıingi kezeńde zeınetaqy aktıvteriniń naqty kirisi 155,90%-dy qurady», - deıdi BJZQ baspasóz qyzmeti.