Jylqylar quny 30 mln teńge bolady
Aqmolalyq polıseıler quny 30 mln teńge bolatyn joǵalǵan 103 jylqyny ıelerine qaıtaryp berdi, – dep habarlaıdy Polisia.kz.
Sandyqtaý aýdany, Jylandy aýylynyń birneshe turǵynyna tıesili jylqy tabynynyń joǵalǵany týraly aryz 12 jeltoqsanda polısıa bólimine kelip tústi.
Ieleriniń aıtýynsha, jaıylymda júrgen 103 jylqy 5 jeltoqsanda joǵalyp ketken, alaıda bir apta ishinde aýyl turǵyndary óz kúshterimen izdep, sodan keıin ǵana polısıadan kómek suraǵan.
Aqmolalyqtar shyǵyndy 30 mln teńgege baǵalady. Jábirlenýshilerdiń ótinishi tirkeldi, al asa iri zalaldy eskere otyryp, QR QK-niń 188-baby 4-bóligi (Asa iri mólsherde jasalǵan urlyq) boıynsha sotqa deıingi tergeý bastaldy.
Joǵalǵan jylqylardy izdeý úshin polıseıler jedel sharalar qabyldady, krımınaldyq polısıa qyzmetkerleri men jergilikti polısıa qyzmeti bólimsheleriniń arasynan arnaıy toptar quryldy.
İzdeý is-sharalaryna TJ qyzmetkerleri men ıeleriniń ózderi qatysty, túrli avtomobıl tehnıkasy paıdalanyldy, sondaı-aq polısıa departamentiniń dronymen da izdeý júrgizildi.
Aýa-raıynyń qolaısyzdyǵyna qaramastan bul kúnderi óńir aýmaǵynda qatty aıaz boldy, toptar táýlik boıy tek Sandyqtaý aýdanynyń aýmaǵynda ǵana emes, oblystyń kórshi aýdandarynda da izdeý is-sharalaryn júzege asyrdy.
Sondaı-aq polıseıler jedel is-sharalar keshenin ótkizdi: mal basy men et ónimderin satýmen aınalysatyn adamdardy tekserdi, et bazarlary, et kombınattary jáne basqa da saýda oryndary nazardan tys qalmady.
Avtojoldarda qosymsha blokbeketter qoıyldy, patrúldik polısıa batalónynyń qyzmetkerleri mal men et ónimderin tasymaldaýmen aınalysatyn avtokólikterge tekserý júrgizdi.
Qabyldanǵan sharalardyń nátıjesinde 14 jeltoqsanda joǵalǵan jylqylardyń barlyǵy joǵalǵan jerden 30 shaqyrym jerde tabylyp, ıelerine qaıtaryldy.
Belgili bolǵandaı, urlyq faktisi rastalmady, osyǵan baılanysty qylmystyq isti tergeý toqtatylady.