Óskemen qalasynda 10-ǵa jýyq zıratty búldirgen er adam ustaldy, dep habarlaıdy Almaty-akshamy.kz.
Qalalyq polısıa basqarmasy baspasóz qyzmetiniń málimetine súıensek, zırat tonaýmen aınalysqan 25 jastaǵy jigit ustaldy.Tekserý barysynda er adamnyń kóliginen temir qorshaýlardyń synyqtary tabyldy.
«Polısıa qyzmetkerleri jedel izdestirý is-sharalaryn júrgizip, Ýshanovskıı zıratyna jaqyn jerde «Honda» markaly avtokólikti toqtatty. Kólikten úsh metal qorshaý anyqtalyp, kúdiktige qatysty tergeý amaldary qolǵa alyndy», - delingen aqparatta.
Aldyn ala málimet boıynsha, qala turǵynynyń zırattaǵy taǵy segiz urlyqqa qatysy bar.