Jańa týǵan shaqalaqty tastap ketken kámeletke tolmaǵan ana bul áreketi úshin endi jazasyn óteıdi.
Almaty qalalyq sotynyń málimetinshe, kámeletke tolmaǵandardyń isteri jónindegi mamandandyrylǵan aýdanaralyq sotta kámeletke tolmaǵan sottalýshy K.-nyń óziniń jańa týǵan balasyn óltirýge oqtalý (QR Qylmystyq kodekstiń 24-babynyń 3-bóligi jáne 100-baby) boıynsha is jabyq tártippen qaraldy, dep habarlaıdy Almaty-akshamy.kz QazAqparatqa silteme jasap.
«Sot úkimimen kámeletke tolmaǵan K. kináli dep tanylyp, oǵan 8 aı bas bostandyǵyn shekteý túrindegi jaza taǵaıyndaldy»,- dedi qalalyq sottan.
Úkim zańdy kúshine endi.
Eske salaıyq, 25 tamyzda túnde qalanyń Túrksib aýdanynda jańa týǵan náresteni qutqarýǵa arnalǵan arnaıy is-shara ótti. Túrksib aýdandyq polısıa basqarmasynyń kámeletke tolmaǵandar isi jónindegi ýchaskelik ınspektory Nurjan Shatýnovtyń aıtýynsha, saǵat ekide kámeletke tolmaǵan qyzdyń túsik tastaǵany týraly habar berilgen. Polıseı dárethana shuńqyrynan shaqalaqty alyp shyqty.
2022 jyldyń qazan aıynda dárigerler balanyń jansaqtaý bóliminde 12 kún jatqanyn jáne osy ýaqyt ishinde barlyq qajetti tekserýler júrgizilgenin aıtty.
Náreste balalar úıine jiberildi.