Nysan 40 orynǵa laıyqtalǵan
Búgin Panfılov aýdanynda buryn oblys ákiminiń rezıdensıasy bolǵan ǵımarat «Mereı» balalardy ońaltý ortalyǵy retinde ashylady. Eske salsaq, osy nysandy ońaltý ortalyǵyna berý týraly sheshim bıylǵy jyldyń naýryz aıynda qabyldanǵan bolatyn, - dep habarlaıdy Almaty-akshamy.kz Jetisý oblysy ákiminiń baspasóz qyzmetine silteme jasap.
Aýdan turǵyndaryn osy eleýli oqıǵamen oblys ákiminiń orynbasary Rýstam Alı quttyqtady.
Ǵımaratty jańǵyrtý jumystaryna, qajetti qural-jabdyqtar men jıhazdar satyp alýǵa 80 mln. teńge jumsaldy. Ortalyqta Montessorı kabıneti, fızıoterapıa, emdik dene shynyqtyrý, sol sıaqty sensor, massaj, prosedýralyq kabınetter, logoped, defektolog bólmeleri, tuz shahtasy, baseın t.b bar. Eki korpýstan turatyn ǵımarattyń jalpy alańy 910,4 sharshy metr. Nysan 40 orynǵa laıyqtalǵan.
Atap ótsek, jyl basynan beri Jetisý oblysynyń Alakól, Sarqan, Qaratal aýdandarynda erekshe qajettiligi bar balalarǵa arnalǵan jalpy sany 140 oryndy ońaltý ortalyqtary ashylǵan bolatyn.