BUU-nyń bitimgerlik qyzmetine qosylý týraly sóz boldy
Qorǵanys mınıstriniń birinshi orynbasary – Qazaqstan Respýblıkasy Qarýly kúshteri Bas shtabynyń bastyǵy general-leıtenant Marat Qusaıynov Ujymdyq qaýipsizdik týraly shart uıymy Áskerı komıtetiniń otyrysyna qatysty, dep habarlaıdy Almaty-akshamy.kz.
Beınekonferensbaılanys rejıminde ótken keńeske Armenıa, Belarýs, Qazaqstan, Qyrǵyzstan, Reseı jáne Tájikstan Qarýly kúshteri bas shtabtarynyń bastyqtary qatysty.
Otyrys barysynda UQSHU Ujymdyq qaýipsizdik óńirlerindegi áskerı qaýipsizdikke tónetin qaýip-qaterler men syn-tegeýrinder qaralyp, olarǵa qarsy is-qımyl sharalary da talqylandy.
Odan basqa UQSHU-nyń bitimgerlik áleýetin damytý, sonyń ishinde BUU-nyń bitimgerlik qyzmetine qosylý týraly sóz boldy.
Tájikstan Respýblıkasy Qorǵanys mınıstrliginiń basqarý pýnktinde qorǵalǵan beınekonferensbaılanystyń aqparattyq baǵytyn keńeıtý jaıly da aqparat tyńdaldy.
Kezdesýge qatysýshylar uıymdy jetildirý, UQSHU-ǵa múshe memleketterdiń áskerı avıasıasynyń halyqaralyq ushýlaryn qamtamasyz etý aspektilerin jáne basqa da birqatar ózekti máselelerdi qarastyrdy.