Saılaýǵa 16 mln-nan astam adam qatysqan
Ózbekstanda ótken prezıdenttik saılaýdyń alǵashqy qorytyndysy búgin tústen keıin jarıalanady. Bul jóninde kórshi eldiń ortalyq saılaý komısıasynyń tóraǵasy málimdedi, dep habarlaıdy Almaty-akshamy.kz «Habar 24» telearnasyna silteme jasap.
Jalpy, keshe ótken saıası naýqanda 16 mln-nan astam saılaýshy konstıtýsıalyq quqyǵyn paıdalanǵan. Bul – barlyq daýys berýshiniń shamamen 80,8 paıyzy. Búgin bulardyń qataryna AQSH-ta júrgen Ózbekstan azamattary da qosylady. Muhıttyń arǵy jaǵyndaǵy saılaý ýchaskeleri eń sońǵy bolyp jabyldy. Jalpy ortalyq saılaý komısıasynyń málimetinshe Ózbekstandaǵy saılaý demokratıalyq talaptarǵa saı ótti. Saıası naýqanǵa degen qyzyǵýshylyq joǵary boldy.
«Saılaý barysyn baqylaý úshin ýchaskelerge 414 kamera ornatylǵan bolatyn. Bul naýqannan 1672 BAQ ókili habar taratty. Taǵy 54 memleketten kelgen 1 myńǵa jýyq baıqaýshy daýys berý úrdisin qadaǵalady. Taǵy Ózbekstan tarıhynda alǵash ret sottalǵandar da el prezıdentin tańdaý múmkindigine ıe boldy», - deıdi Ózbekstan ortalyq saılaý komısıasynyń tóraǵasy Zaınıddın Nızamhodjaev.