Kólik túgeldeı janyp ketti
Aqtaý qalasy mańynda mas júrgizýshi gaz qubyryna soǵylyp, avtokólik janyp ketti, dep habarlaıdy Almaty-akshamy.kz QazAqparat agenttigine silteme jasap.
Polısıa departamentinen túsken málimetke qaraǵanda, oqıǵa 23 qazan kúni bolǵan.
Saǵat 22.00-de Munaıly aýdany polısıa bólimine Basqudyq aýylynda jol-kólik oqıǵasynyń bolǵany jóninde habar túsken. Keıin anyqtalǵanyndaı, ÝAZ «Patriot» avtokóliginiń júrgizýshisi mas kúıinde gaz qubyryna soǵylǵan. Sonyń saldarynan avtokólik pen gaz qubyry jandy.
Órt qutqarýshylar men gaz qyzmeti qyzmetkerleriniń kúshimen sóndirildi. Zardap shekkender joq.
Júrgizýshige qatysty QR Ákimshilik quqyqbuzýshylyq kodeksi 608-baby 3-bóligine sáıkes hattama toltyryldy. Bul bap boıynsha quqyq buzýshyǵa 20 táýlik merzimge ákimshilik qamaqqa alý jáne jeti jylǵa kólik quralyn basqarý quqyǵynan aıyrý jazasy qarastyrylǵan.
Eske sala keteıik, budan buryn BQO-da jol apatynan avtokólik ishinde eki adamnyń janyp ketkenin jazǵan bolatynbyz.