Ónerliniń qoly altyn.
Qostanaılyq qolónershiler álemdik naryqqa shyǵýǵa nıetti, dep habarlaıdy Almaty-akshamy.kz Qazaqtv.com silteme jasap.
Oǵan «Born Nomad» qazaq-amerıkalyq baıqaýy múmkindik berip otyr. Osy maqsatta jergilikti 35 sheber halyqaralyq baıqaýǵa qatysýǵa ótinish bergen. Olar qazir onlaın rejıminde oqýdan ótip jatyr. Keıin ózge qazaqstandyq qatysýshylarmen «Dástúrler men mádenıet», «Jańashyldyq», «Sheber-áıel», «Jas talanttar», «3D qolóner» jáne «Shyǵarmashylyq yntymaqtastyq» nomınasıalary boıynsha básekege túsedi. Konkýrs nátıjesi boıynsha barlyq qolónershi halyqaralyq saýda alańdaryna shyǵyp, hobbıin tolyqqandy bızneske aınaldyra alady.
«Biz qazaq ulttyq óneriniń buıymdaryn qazir óz ómirimizde tek qana toıda paıdalanamyz, suranys bar. Biraq biz tek qana aımaqta saýda jasaımyz. Al osy «Born Nomad» konkýrsy arqyly biz halyqaralyq ınternet saýdaǵa shyǵýdy maqsat ettik», - deıdi Qolónershiler qorynyń jetekshisi Sáýle Qabıdýlova.
Sondaı-aq sheberler de etnoónerdiń ózgelerden esh kem emestigin aıtýda.
«Bizdiń ulttyq kádesyılar men dástúrimiz kóptegen elge qyzyqty. Óıtkeni bizge shetelden keletin qonaqtar kóp. Al elderine qaıtarda estelik retinde ulttyq naqyshtaǵy kádesyılardy izdestire bastaıdy», - dedi qolóner sheberi Janara Omarbekova.