Jerlesimizdiń jarystan keıingi pikiri.
Tokıo Olımpıadasynyń karate oıyndarynyń qola júldegeri Darhan Asadilov jartylaı fınaldaǵy sátsizdiktiń basty sebebin atap, suhbat berdi, dep habarlaıdy Almaty-akshamy.kz. Olympic.kz-ke silteme jasap.
"Olımpıadaǵa 100 paıyz daıyn bolyp keldim. Shyny kerek, tek altyn úshin kelgenmin. Kishigirim jaraqattaryma qaramastan, chempıon bolamyn degen maqsat turdy. Elge altyn kerek edi. Sol úshin eńbektengen edim. Biraq jartylaı fınalda qatelikterge boı aldyrdym. Qarsylasym barlyq taktıkamdy buzyp jiberdi. Olımpıadada 60 jáne 67 keli salmaq dárejesi biriktirilgen. Men 60 kelide, Stıven de Kosta 67 kelide synǵa túsken búginge deıin. Sondyqtan, onymen Olımpıadaǵa deıin birde bir ret kezdespegenbiz. Boıynyń uzyndyǵy da bar eken.Bizge qola medal eken buıyrǵany. Biraq ishte áttegen-aı bar. Jeńis tuǵyrynda turǵanda, kózime jas keldi. Altyn almaǵanym úshin kúıindim. Sol ókinishten kelgen jas shyǵar.
Týǵan elge oralǵan soń jaraqattarymdy emdeımin. Alda áli Azıa jáne álemdik deńgeıdegi jarystar bar. Mansabymdy aıaqtaý týraly naqty sheshimge kelgen joqpyn. Biraq talantty jastar boı kóterse, ornymdy bosatýǵa daıynmyn.
Artymnan ergen jastarǵa aıtarym - el úshin aıanbańdar. El namysy úshin eń sońyna deıin kúresińder", - dedi Asadilov.
Otandasymyz Darhan Asadilov karateden Olımpıada oıyndarynda júlde alǵan tuńǵysh qazaq sportshy retinde tarıhta qaldy.