Jýrnalıser qazaqstandyq qundylyqtar aınalasynda ultty biriktirýde asa mańyzdy mısıany oryndap keledi. Bul týraly Qazaqstan halqy Assambleıasynyń kezekti otyz birinshi sesıasynda Prezıdent Qasym-Jomart Toqaev málim etti, dep habarlaıdy Almaty-akshamy.kz.
«Otandyq buqaralyq aqparat quraldarynyń maqsaty elimizdegi jáne álemdegi jaǵdaı týraly otandastarǵa beıtarap ári jedel aqparat taratýmen baılanysty. Bizdiń tilshiler qazaqstandyq qundylyqtar aınalasynda ultty biriktirý, bizdiń memlekettilik pen halyqtyń birligin nyǵaıtý boıynsha asa mańyzdy mısıany oryndap keledi», - dedi Qasym-Jomart Toqaev.
Prezıdenttiń aıtýynsha, ulttyq birlikke nuqsan keltirý maqsatyn kózdeıtin arnaıy baǵyt bar. Osy oraıda Qazaqstan halqy bul máselede saqtyq tanytyp, arandatýdyń shyrmaýyna túsip qalmaǵany mańyzdy.
«Qazaqstanda jalpy baspasóz basylymdary, radıo, telearnalar etnosaralyq qatynastar salasynda obektıvti habar taratady. Alaıda álemdegi sońǵy oqıǵalar aqparattyq turǵyda bizdiń qoǵamdy keıde baǵyttan adastyryp jatatynyn kórip júrmiz. Elimizdiń ár azamaty jarıa alańǵa kirgende bizdiń ulttyq múddeni basshylyqqa alýy kerek», - dedi Memleket basshysy.