İshki ári syrtqy arandatý elimizdiń tutastyǵyna jik salmaýy kerek. Bul týraly Qazaqstan halqy Assambleıasynyń kezekti otyz birinshi sesıasynda Prezıdent Qasym-Jomart Toqaev málim etti, dep habarlaıdy Almaty-akshamy.kz.
«Álemdegi sońǵy oqıǵalar aqparattyq turǵyda bizdiń qoǵamdy keıde baǵyttan adastyryp jatatynyn kórip júrmiz. Elimizdiń ár azamaty jarıa alańǵa kirgende bizdiń ulttyq múddeni basshylyqqa alýy kerek. Syrtqy shıelenister bizdiń azamattar arasynda etnosaralyq alaýyzdyqty tutatý men kúıretý jolyn qalyptastyrý úshin paıdalanylýyna jol berilmeýi kerek», - dedi Memleket basshysy.
Osy oraıda Prezıdent arandatýshylar qaıda turyp jatsa da, qaı eldiń bolmasyn pasportyn ustap júrse de, bizdiń birlikti buza almaıtynyn atap ótti.
Memleket basshysy beıbitshilik pen birlik qundylyqtarynsyz elimizdiń bolashaǵy bolmaıtynyn barsha azamat este saqtaýy tıis ekenin qadap aıtty.
«Qazaqstannan basqa bizde basqa Otan joq jáne bolmaıdy da. İshki ári syrtqy arandatýǵa boı urmaý kerek», - dedi Qasym-Jomart Toqaev.