Partıalyq tizimge 19 adam engen.
Ortalyq saılaý komısıasy Jalpyulttyq-sosıal demokratıalyq partıasynyń Májilis saılaýyna usynǵan partıalyq tizimin tirkedi, dep habarlaıdy Almaty-akshamy.kz
OSK múshesi Anastasıa Shegorsovanyń aıtýynsha, JSDP-nyń partıalyq tizimindegi 19 adamnyń 6-ýy – áıel, qalǵany – jastar men múgedektigi bar jandar.
"Jalpyulttyq sosıal-demokratıalyq partıasynyń partıalyq tizimine engizilgen barlyq adam Konstıtýsıa jáne "Saılaý týraly" Konstıtýsıalyq zańnyń talaptaryna saı keledi", - dedi Shegorsova ortalyq saılaý komısıasynyń otyrysynda.
Ol JSDP aldyńǵy parlament saılaýyna qatyspaǵanyn atap ótti. Sondyqtan zańnamaǵa sáıkes, partıa tizimin tirkeý úshin OSK shotyna saılaý jarnasyn engizýge tıis. Jarna somasy partıalyq tizimge engizilgen árbir adam úshin eń tómengi jalaqynyń 15 eselengen mólsheri – 1 050 000 teńgeni quraıdy.
"Jalpyulttyq sosıal-demokratıalyq partıasy saılaý jarnasyn tolyq kólemde tóledi", - dedi OSK múshesi.
Osylaısha Ortalyq saılaý komısıasy JSDP-nyń Májilis saılaýyna usynǵan kandıdattar tizimin bekitti.
Buǵan deıin Qazaqstan halyq partıasynyń partıalyq tizimi bekitilgen bolatyn.