Ekologıa janashyrlary Balqash muzy ústimen júrip ótti
Balqash kólinde 2023 jyldyń 10-12 aqpanynda «Uly Balqash shaqyrady!» atty is-shara ótti. 120-dan astam adam kóldegi muz ústimen 8, 16, 24 km qashyqtyqty júrip ótti.
2023 jyldyń 10-12 aqpanynda «Uly Balqash shaqyrady!» atty Balqash kólindegi İİİ muz ústimen ótýdiń negizgi uıymdastyrýshysy Almaty Menedjment Ýnıversıteti (AlmaU). Bul sharanyń basy-qasynda Almaty Menedjment Ýnıversıteti prezıdenti Asylbek Qojahmetov, qoǵam qaıratkeri, ýnıversıtet rektory Gúlnar Kúrenkeeva, qoǵam qaıratkeri, saıasatker Dos Kóshim, saıahatshy, veloıntýazıst Aleksandr Gabchenko, «World Class Almaty» fıtnes-klýbynyń bas dırektory Valıhan Ten, «Turan Eksperss» kompanıasynyń bas dıektory Roman Botabekov t.b. qatysty.
Alǵash ret 2019 jyly 20 aqpanda Balqash kólindegi muz ótkelinen birneshe top ótken edi. Bıyl da osy is-sharany úshinshi ret jalǵastyryp, muz ótkelinen ótý arqyly Balqash kóliniń ekologıalyq problemasyna qoǵam nazaryn aýdarý maqsaty kózdelgen. Sonymen qatar ishki týrızmdi damytýdy, jas urpaqty tabıǵatty aıalaýǵa, onyń bar baılyǵyn saqtaýdy úıretý, tarıhı, mádenı, rýhanı jáne ekonomıkalyq mańyzy bar Qazaqstandaǵy eń úlken ekojúıeci bar Balqash ólkesine qoǵamnyń nazar aýdarý ıgilikti is ekenin sharaǵa qatysýshylar tolyq túsingen.
Qazaqstandaǵy tabıǵaty sulý ólkeniń baılyǵyn saqtap qalý tek osy aımaq emes Alakól oıysynyń qazirgi jaǵdaıy alańdaýshylyq týǵyzyp otyrǵany belgili. Jetisý ózenderi Qaratal, Aqsý, Lepsiden quıylǵan sýdyń sapasy men sý alabynyń azaıýy, sýdyń tartylý sebepteri ǵalymdardy alańdatyp otyr.
Balqash sýynyń quramy, ósimdikter álemi men janýarlar dúnıesi tereń zerttelýde. Zertteýshi ǵalymdar eger tez arada durys sharalar qoldanylmasa qaýiptiń aldyn alý jumystary júrgizilmese basqa Qazaqstan aımaǵyndaǵy tabıǵat sıaqty ekologıalyq apatqa ushyraǵan ózen-kólder taǵdyryn qaıtalaıdy dep alańdaýly.
«Uly Balqash shaqyrady!» jobasynyń avtory Asylbek Qojahmetov Qazaqstanda basqa da mańyzy bar sharalardyń uıymdastyrýshysy ǵana emes tikeleı qatysýshysy jáne jas urpaqty tabıǵatty qorǵaýǵa, ekojúıeniń saqtalý zańdylyqtaryn jas kezinen boıyna sińirýdi myqtap qolǵa alý qajettigin tereń túsingen tulǵa.
Muzy qatqan Balqash kóliniń ústimen júrip ótip qana qoımaı, is-sharanyń ıdeology Asylbek Qojahmetov «Balgash talks: ekologıa fılosofıasy» atty áńgimelesý ortasynyń moderatory, qoǵam qaıratkeri, saıasatker Dos Kóshim, saıahatshy, veloıntýazıst Aleksandr Gabchenko, «World Class Almaty» fıtnes-klýbynyń bas dırektory Valıhan Ten ártúrli baǵyttaǵy ekologıa taqyrybynda sheberlik saǵatyn ótkizdi.
Medıa jáne kıno mektebinen birneshe oqytýshy-professorlar is-sharaǵa belsene qatysyp, úshinshi joryqtyń ekologıa, densaýlyq, salaýatty ómir saltyn saqtaý máselelerine bolashaq jýrnalıs, qoǵammen baılanys, kınogerlerdiń nazaryn aýdarý maqsatyn kózdep otyr. Medıa jáne kıno mektebinde ótiletin pánder men ekologıalyq jýrnalısıka, dúnıejúzilik, sondaı-aq aımaqtyq mańyzy bar ekologıalyq máselelerdi keń kólemde kórsetýdi kózdeıtin jýrnalısıka janrlary, onyń páni adam ómir súrip jatqan qorshaǵan ortaǵa qatysty aǵymdaǵy oqıǵalarǵa, úrdisterge jáne problemalarǵa qatysty aqparatty jınaý, taldaý jáne taratý bolyp tabylatynyn, aldaǵy ýaqytta ekologıa salasynda qyzmet etkisi keletin jas jýrnalıserge arnalǵan dáris ótkizýdi josparlap otyr. Ekologıa taqyrybynda jazyp júrgen jýrnalıser barshylyq jáne jýrnalıser men eriktiler «Uly Balqash shaqyrady!» is-sharasy arqyly aqparatty jınaý daǵdysy men jas urpaqtyń tabıǵat pen qorshaǵan ortaǵa degen oń kózqarasyn qalyptastyrýda múmkindigi zor.
