Kókshetaý qalasynyń turǵyny 29 sáýirde joǵalyp ketken
Aqmola oblysynda on eki kún buryn iz-túzsiz joǵalǵan er adam orman ishinen tabyldy, dep habarlaıdy Almaty-akshamy.kz QazAqparat-qa silteme jasap.
Oblystyq polısıa departamenti baspasóz qyzmetiniń málimetinshe, Kókshetaý qalasynyń turǵyny 29 sáýirde joǵalyp ketken. Bul týraly 6 mamyr kúni onyń týystary polısıaǵa habarlap aıtqan. Belgili bolǵanyndaı, er adam jumysqa ornalasyp, kezekti aýysymnan keıin úıine kelmeı qalǵan. Bastapqyda týystary óz betterimen izdep kóredi. Alaıda, odan nátıje shyqpaǵan soń, bir apta ótkennen keıin ǵana polısıadan kómek suraıdy.
«Jedel-izdestirý sharalary barysynda Kókshetaý qalalyq polısıa basqarmasynyń qyzmetkerleri jaqyn mańdaǵy aýmaqtardy aralap, joǵalǵan adam týraly yqtımal kýágerlerden, týystary men tanystarynan surastyrdy. Nátıjesinde, er adamnyń Kókshetaý qalasynyń Birlik shaǵynaýdany mańyndaǵy orman alqabynda turaqtaǵany anyqtaldy. Ol mundaı qadamǵa nelikten barǵanyn túsindirmedi. Qazirgi ýaqytta polıseıler oqıǵanyń mán-jaıyn anyqtap jatyr», - dedi vedomstvodan.