Memleket basshysy QR Parlamenti platformasynda Qazaqstan halqyna jasaǵan úndeýine QR Senat depýtaty Nurtóre Júsip óz pikirin bildirdi, dep habarlaıdy Almaty-akshamy.kz
Qazaqstan Prezıdenti Q.K.Toqaev Májilis otyrysynda sóz sóıledi. Eldiń eń ózekti máseleleri ortaǵa salyndy. Halyqtyń jaǵdaıyn jaqsartýǵa baǵyttalǵan mańyzdy tapsyrmalar berdi.
Birinshi kezekte Táýelsizdikti nyǵaıtý, bul úshin áskerdi kúsheıtý, bilimdi arttyrý, halyqtyń tabysyn kóterý, óńdeý jáne taý-ken óndirisin, aýylsharýashylyǵyn damytý, ınflásıany aýyzdyqtaý, kvazımemlekettik sektordy retteý jáne taǵy basqa salalarǵa qatysty naqty tapsyrma berdi.
"Qazaqstan halqyna" áleýmettik-qoǵamdyq qory ashylady. Onyń qarjysy qaterli aýrýǵa shaldyqqandardyń qymbat emine, operasıasyna, balalarǵa, buqaralyq sportty damytýǵa arnalǵan keshender salýǵa, qyzmettik boryshyn atqara júrip opat bolǵan quqyq qorǵaý, áskerı, azamattyq qyzmetkerlerdiń otbasyna kómektesýge, zardap shekken aımaqtarǵa kómekke jumsalady.
Qarjylandyrý jeke jáne memlekettik qarjy kózderinen, sheteldik qaıyrylymdylyq qorlarynan bolady. Baılyǵy asyp-tasyǵan olıgarhtar jyl saıyn qarjy quıýy kerek. Bul óte ózekti másele. «Samuryq-Qazyna» qoryn reformalaý qajet, jasaı almasaq, onyń ekonomıkamyzǵa qajeti joq, - dedi.
Eldegi eń úlken Ulttyq kompanıalar jumysy synǵa alyndy.
«Samuryq-Qazyna» qorynyń satyp alýlaryna qatysty shaǵymdar jıi kelip túsedi. Qordyń aktıvi jalpy ishki ónimniń 60 paıyzyna jýyǵyn quraıdy. Biraq qor ulttyq baılyqty arttyrdy ma? Qordyń úlken jalaqy alatyn basshylary, qyzmetkerleri nemen aınalysady? Kvazımemlekttik sektordy túbegeıli ózgertýdi tapsyramyn. Eger ony reformalaı almasaq, ondaı qordyń bizdiń ekonomıkamyzda bolmaǵany durys», - dedi Memleket basshysy Májilistiń jalpy otyrysynda sóılegen sózinde.
Memleket basshysy málimdemesin tarıhı sózben túıindedi. "Jańa Qazaqstandy" birge quraıyq!" - dedi. Bul jańa ózgeristerdiń bastalatyndyǵyn ańǵartady.