Komandadan indet juqtyrǵan sportshy shettetilmeıdi
Beıjiń Olımpıadasynda komanda músheleri koronavırýs juqtyrǵan jaǵdaıda, quramalar Olımpıadadan alastatylmaıdy, dep habarlaıdy Almaty-akshamy.kz
Bul týraly Halyqaralyq Olımpıadalyq komıtet málimdedi.
Eger Olımpıada kezinde sportshydan koronavırýs tabylsa, ol aýrýhanada nemese ızolátorda oqshaýlanady. Olımpıada kezinde oqshaýlaǵyshtan shyǵý úshin 24 saǵat kóleminde koronavırýsqa tapsyrylǵan eki test teris nátıje kórsetýi kerek. Sondaı-aq, úsh kún qatarynan dene temperatýrasy qalypty jaǵdaıda bolyp, koronavırýs belgileri baıqalmaýy tıis.
Osy oraıda, koronavırýs juqtyrǵan adammen baılanysta bolǵan komandanyń ózge músheleri kovıd hattamalaryn saqtaý arqyly jarysty jalǵastyra beredi.
Naýqaspen jaqyn baılanysta bolǵandar koronavırýsqa test tapsyryp, nátıjesi teris shyqqan jaǵdaıda karantın sharalaryn saqtap, únemi betperde taǵyp, tamaqty jalǵyz ózi iship, ózgelerden 2 metr alshaq júredi. Sonymen qatar, kúnine úsh ret dene qyzýyn ólshep, jarys bastalýyna 12 jáne 6 saǵat qalǵanda PTR test tapsyrady.