Almaty qalasy jastar saıasaty basqarmasynyń qoldaýymen «Dúısenbilik sport» jobasy boıynsha NEET sanatyndaǵy jastar arasynda kıbersporttan týrnır ótti, dep habarlaıdy aqshamnews.kz.
Almaty qalasy jastar saıasaty basqarmasynyń qoldaýymen «Dúısenbilik sport» jobasy boıynsha «Social project management» ortalyǵy» qoǵamdyq qorynyń uıymdastyrýymen NEET sanatyndaǵy jastar arasynda kıbersporttan týrnır ótti.
Aldyńǵy qatarly elderde damyp kele jatqan kıbersport túrin damytý jáne jastardy qoldaý maqsatyndaǵy atalmysh sharaǵa bazardan, saýda ortalyqtarynda jumys isteıtin jáne jumyssyz júrgen jastardan 30 qatysýshy baqtaryn synady.
Buǵan deıin «Dúısenbilik sport» jobasy aıasynda Almaty qalasy bazar jastarynyń arasynda shaǵyn fýtboldan, voleıboldan sonymen qatar ústel tenısinen týrnır ótken bolatyn.
Týrnırde jastar fýtbol «FIFA-2024» túrinen dodaǵa tústi.
Saıysqa túsken jastar arasynda usynys aıtqandar da boldy.
Támen Aqjol:
«Báriniń aıtatyny – Kompúter oıyndary jaman. Jeke pikirim – mundaı oıdan arylý kerek. Dál osyndaı toptyq oıyndar damnyń oılaý qabiletin damytady. Árıne, kópshiligińiz kelispeýlerińiz múmkin, bolashaǵymyz osy kompútermen baılanysty bolatyndyǵyn aıtqym kelip otyr.
Jastardyń demalys ýaqytyn tıimdi paıdalanýyna, utymdy áreket etýge, kóńilin sergitýge, senimdi qadam jasaýǵa baýlý. Jáne jastardyń qyzyǵýshylyǵyn arttyrý maqsatynda jyl saıyn dástúrge aınalǵan «Dúısenbilik sport» jobasyn aıasyndaǵy osy sharaǵa qatysqanymyzǵa qýanyshtymyz! Taǵy bir aıtaıyn degenim, jastar arasynda aımaqtyq keıin respýblıkalyq deńgeıde ótkizseńizder degen usynysymyz bar».
Ózara baq synasqan týrnır Real oıyn klýbynda joǵary deńgeıde ótti.
Alǵashqy irikteý kezinde 2 topqa bólinip, ózara irikteý oıyndaryn ótkizdi. Shırek fınal men jartylaı fınaldyq saıysqa súrinbeı jetken jastar arasyndaǵy oıyn tartysty ótti.
Dúısenbilik sport» jobasy aıasynda ótken kıbersport týrnıriniń qortyndysy boıynsha, jeńimpaz Jánibek Kenjebaıulyna kýbokpen 250 myń teńgeniń, ekinshi oryn alǵan Asylbaı Erlanǵa 150 myń teńgeniń, úshinshi oryn alǵan eki qatysýshy Erjan Nurjanǵa jáne Faızýlla Dıdarǵa 50 myń teńgeniń sertıfıkattary tabys etildi.
Endi aldaǵy ýaqytta «Dúısenbilik sport» jobasy aıasynda NEET sanatyndaǵy jastar arasynda basketboldan keminde 16 komandanyń, qatysýymen týrnır uıymdastyrý josparda bar.
arysqa qatysýshylar týrnırden jaqsy áser alyp, uıymdastyrýshylarǵa alǵystaryn bildirdi.