Irlandıanyń Dýblın qalasynda geografıadan IGeO-2024 halyqaralyq olımpıadasy bastaldy.
Bul jarysqa 50 el qatysyp jatyr. Elimizdiń qurama komandasynda tórt oqýshy bar, dep habarlaıdy aqshamnews.kz Oqý-aǵartý mınıstrligine silteme jasap.
Komanda quramynda:
Aqjol Bolat — FMB NZM, 11-synyp oqýshysy, Taldykorǵan qalasy;
Arsen Sydyqov —HBB NZM, 11-synyp oqýshysy, Shymkent qalasy;
Qanat Serikbaı — HBB NZM, 11-synyp oqýshysy, Shymkent qalasy;
Jomart Sabyr — Daryndy balalarǵa arnalǵan mamandandyrylǵan «Daryn» lıseı-ınternatynyń 11-synyp oqýshysy, Jambyl oblysy.
Komanda jetekshileri: Nurlan Jumageldi - «Daryn» RǴPO dırektordyń orynbasary, Maqsat Aýbakırov - «Daryn» RǴPO bólim basshysy.
Anyqtama úshin: IGeO 1996 jyldan beri IGU Halyqaralyq geografıalyq odaǵynyń qoldaýymen ótkizilip keledi. Jarysqa 16-19 jas aralyǵyndaǵy ulttyq olımpıadalardyń jeńimpazdary qatysady. Negizgi maqsaty — oqýshylardyń geografıa men qorshaǵan orta týraly basqa da ǵylymdarǵa qyzyǵýshylyǵyn arttyrý jáne halyqaralyq baılanystardy damytý. Bul halyqaralyq bilim dodasynda Qazaqstan quramasy 2023 jyly 1 altyn jáne 1 qola medal jeńip aldy.