MQU beretin nesıeler 20 paıyzdan aspaýy kerek
QR Qarjy naryǵyn retteý jáne damytý agenttigi tóraǵasynyń birinshi orynbasary Nurlan Ábdirahmanov mıkroqarjy uıymdary qandaı jaǵdaıda lısenzıasynan aıyrylýy múmkin ekenin aıtty, dep habarlady Almaty-akshamy.kz.
Zakon.kz jazýynsha, Nurlan Ábdirahmanov problemalyq nesıeler úlesin shekteý sharalary qabyldanǵanyn atap ótti.
«Biz 20 paıyzdyq normatıv engizdik. Bul – balansta nemese olardyń balanstan tys esepke alynǵanyna qaramastan, MQU beretin nesıeler, biraq olar 20 paıyzdan aspaýy kerek. Aldaǵy ýaqytta bul talapty kúsheıtýdi josparlap otyrmyz. Biz jaǵdaıdy jiti baqylaıtyn bolamyz. Jańa táýekelderdiń belgileri baıqalsa, bul talaptar kúsheıtiledi», - dedi Nurlan Ábdirahmanov.
Onyń aıtýynsha, bul prýdensıalyq normatıv.
«Osy sandyq shekteýdi buzǵan jaǵdaıda, MQU-ǵa lısenzıany qaıtaryp alýǵa deıin shara qoldanylady. Qazir MQU lısenzıalanǵan, al buzýshylyqtar anyqtalǵan jaǵdaıda lısenzıany qaıtaryp alamyz. Bul – sýbektiniń qyzmeti is júzinde toqtatyldy degen sóz», - dedi ol.