Zilzala kezinde qutqarý jumystary keshikken
Dúısenbi kúni Túrkıanyń ońtústik-shyǵysynda qaıtalanǵan 5,6 baldyq jer silkinisinen Malatıa qalasynda 30 shaqty úı osylaı qırady. Bir adam qaza taýyp, 100-den astamy jaralandy. Prezıdent Redjep Taıyp Erdoǵan bolsa, alapat zilzala kezinde qutqarý jumystary keshikkeni úshin halyqtan keshirim surady. Bul týraly málimdemeni ol Adıaman provınsıasyna barǵanda jasady, dep habarlaıdy Almaty-akshamy.kz Qazaqstan.tv-ge silteme jasap.
"Jer silkinisiniń joıqyn áseri men aýa raıynyń qolaısyzdyǵynan alǵashqy birneshe kúnde qalaýymyzsha jumys isteı almadyq», - deıdi Túrik Prezıdenti.
Aıta ketsek, birer kún buryn Ystanbuldyń stadıondary men kóshelerine myńdaǵan adam jınalyp, «Úkimet otstavkaǵa ketsin!» dep urandatty.
Esterińizge sala ketsek, aqpannyń 6-da Túrkıa men Sırıada bolǵan joıqyn dúmpýlerden 50 myńnan astam adam mert bolyp, 520 myńdaı páter qulap, 1 jarym mıllıondaı turǵyn baspanasyz qaldy.