Sanjar Jarkeshov gaz salasyn damytýdyń keshendi josparynyń ázirlenýi jóninde baıandady.
Memleket basshysyna satyp alý júıesiniń ashyqtyq deńgeıin arttyrý jóninde bergen tapsyrmalarynyń oryndalý barysy, sondaı-aq ulttyq kompanıanyń kadr saıasatyndaǵy ózgerister jóninde aqparat berildi, dep habarlaıdy Almaty-akshamy.kz Aqordanyń resmı saıtyna silteme jasap.
Prezıdent Qasym-Jomart Toqaevqa ulttyq gaz kompanıasynyń qazirgi jumysy týraly jáne ishki naryqty taýarly gazben qamtamasyz etýge basymdyq berý jónindegi tapsyrmasynyń oryndalý barysy baıandaldy.
Sanjar Jarkeshov gaz salasyn damytýdyń keshendi josparynyń ázirlenýi jóninde baıandady. Atalǵan jospar resýrstyq bazany keńeıtýdi jáne elimizdegi gaz tasymaldaý ınfraqurylymyn jańǵyrtýdy kózdeıdi.
Kezdesýde qubylmaly geosaıası jaǵdaıǵa baılanysty týyndaıtyn syn-qaterlerdi eńserýge baǵyttalǵan daǵdarysqa qarsy sharalar talqylandy. Kezdesý qorytyndysy boıynsha Prezıdent usynylǵan sheshimderdi qoldap, tolyq aýdıt uıymdastyrý jáne kompanıa qyzmetindegi transparenttilikti qamtamasyz etý jóninde birqatar tapsyrma berdi.