3 aı boıy halyqtyń suranysyn qanaǵattandyrý úshin jetkilikti.
Qazirgi ýaqytta Qazaqstanda negizgi azyq-túlik taýarlarynyń qorlary jasaldy. Bul týraly Saýda jáne ıntegrasıa mınıstrligi málimdedi, dep habarlaıdy Almaty-akshamy.kz QazAqparatqa silteme jasap.
Óńirler men Saýda jelileri odaǵynyń aqparaty boıynsha turaqtandyrý qorlary men saýda obektilerinde qant qorlary shoǵyrlanǵan, olar 3 aı boıy halyqtyń suranysyn qanaǵattandyrý úshin jetkilikti.
Jetkizýshilerdiń geografıasyn keńeıtý jáne táýekelderdi tómendetý sheńberinde daıyn qant óndirý úshin basqa elderden shıki qant satyp alý jumysy júrgizilýde: Qazaqstanda 2022 jylǵy tamyz aıynyń sońyna deıin kedendik baj salyǵyn tólemeı, 250 myń tonna qant ákelý múmkindigi bar.
Qant baǵasyn turaqty deńgeıde ustap turý úshin ortalyq jáne jergilikti atqarýshy organdar saýda obektileriniń «aınalym sqemasyn» paıdalanýdy jáne turaqtandyrý qorlarynan ıntervensıalardy qosa alǵanda, birqatar sharalar qabyldaıtyn bolady.