Memleket basshysy «Altyn sapa» jáne «Paryz» syılyqtarynyń ıegerlerin marapattaý saltanatynda Memleket basshysy eldiń bıznes ókilderine alǵys aıtty, dep habarlaıdy Almaty-akshamy.kz QazAqparatqa silteme jasap.
«Bıyl qarashada qýaty 500 myń tonna bolatyn polıpropılen zaýyty iske qosyldy. Bul kásiporyn Qazaqstannyń Ortalyq Azıadaǵy polıpropılen naryǵynda kósh bastaýyna múmkindik beredi. Budan bólek, Qyzylorda qalasynda shyny óndiretin zaýyt óz jumysyn bastady. Buǵan 42 mlrd teńge ınvestısıa salyndy. Shyǵys Qazaqstan oblysynda kúnbaǵys maıyn shyǵaratyn zamanaýı zaýyt iske qosyldy. Bul jobaǵa 29 mlrd teńge ınvestısıa jumsaldy», - dedi óz sózinde Memleket basshysy.
Qasym-Jomart Toqaevtyń aıtýynsha, atalǵan jobalar el ekonomıkasynyń ımportqa táýeldiligin azaıtady.
«Osy kásiporyndar - bizdiń ımportqa táýeldiligimizdi azaıtatyn biregeı ındýstrıaldyq jobalar. Bir sózben aıtqanda, bıznes memlekettiń senimdi seriktesi bolyp otyr. Osy rette men usynǵan saıası baǵdarlamaǵa qoldaý kórsetkeni úshin bıznes ókilderine shynaıy rızashylyǵymdy bildiremin», - dedi Prezıdent.