Osy arqyly oqýshy qatarlastyrynyń kitapqa degen qyzyǵýshylyǵyn arttyrmaq.
Aqtóbelik 10 synyp oqýshysy Nurshat Jubanysh Ahmet Baıtursynulynyń «40 mysal» jınaǵyna jańa dem bergen. Ázirge bul komıkste jazýshynyń tek jeti shyǵarmasy bar. Al bolashaqta qyryq mysaldyń barlyǵyn komıkske kóshirýdi josparlap otyr, dep habarlaıdy Almaty-akshamy.kz.
«Bıyl - Ahmet Baıtursynovtyń 150 jyldyǵy. Sondyqtan biz onyń mysaldaryn ınterpretasıalaý arqyly qazaq ádebıetin ózimiz sekildi jasóspirimderdiń arasynda damytyp, oqýǵa yntasyn arttyrǵymyz keldi. Sonymen qatar qazir komıkster - óte jaqsy damyp kele jatqan kitap túri. Jasóspirimder kóp oqıdy», – deıdi 10 synyp oqýshysy Nurshat Jubanysh.
Komıks arqyly kitap oqýǵa qyzyǵýshylyq týǵyzý kerek degen oıdy Nurshat jetekshisine aıtqan. Rasymen de, jastar kitap túrindegi jáne elektrondy nusqadaǵy komıksterdi erekshe yqylaspen qabyldady.
«Qazirgi jastardyń ereksheligi – kóp kólemdi jazýly kitaptardy oqýǵa qyzyqpaıdy. Sebebi bul zamanǵa kele jatqan óziniń ereksheligi olardyń zeıini turaqsyzdaý. Tez jalyǵyp ketedi. Sondyqtan sýret, komıks arqyly qyzyqtyrý ózekti dep oılaımyn», - deıdi qazaq tili men ádebıeti pániniń muǵalimi Rabıǵa Tolǵanaqova.
Al Aıshat Temirbaeva men Asqar Ivan jańa qosymsha oılap tapqan. Smart geım qosymshasynan qazaqtyń aqyn-jazýshylary týraly aqparat alýǵa bolady. Ári qaraı suraqtarǵa jaýap berip, oıynǵa da kóshý múmkindigi bar.
«Negizgi maqsat – qazaq dalasynda týylǵan ne bir uly tulǵalardy tarıhı tulǵalar týraly jınaq jasaý. Iaǵnı, ádebıette oıyp oryn alatyn tulǵalardyń ómiri men shyǵarmashylyǵymen jaqynyraq tanystyrý maqsatynda jasalǵan bolatyn», – deıdi 11 synyp oqýshysy Aızat Temirbaeva.
Bolashaqta qosymshany barlyq uıaly telefonǵa júkteýge bolady. Daryndy jastar bul jobalardy ári qaraı jetildire túspek.