«Amanat» partıasynyń Naýryzbaı aýdandyq fılıaly 14 maýsym - Dúnıejúzilik donorlar kúnine oraı «Meıirimdilik qanymyzda!» atty qaıyrymdylyq chelendjin qolǵa aldy. Bul qaıyrymdylyq is-sharasy 16 maýsymǵa deıin partıanyń Almaty qalasyndaǵy barlyq aýdandyq fılıaldary men memlekettik uıymdarynda jalǵasatyn bolady.
Úndeýiniń ózi adamdy izgilikke baýrap turǵan bul qaıyrymdylyq is sharaǵa «Amanat» partıasynyń aýdandyq fılıalymen qatar, aýdannyń birqatar memlekettik mekemeleri de qoldaý bildirdi.
- Biz mundaı sharany birinshi ret ótkizip turmyz, soǵan qaramastan qan tapsyrýǵa nıet bildirgender sany biz oılaǵannan áldeqaıda kóp bolyp shyqty. Seksennen asqan qoǵam jáne memleket qaıratkeri, aýdannyń qurmetti turǵyny Dárıa Sarqytbaeva apamyzdy, Qazaqstan sportynyń maqtanyshy Ermahan Ybyraımov, Almatynyń №1 marafonshy qyzdarynyń biri, kásipker, qalalyq qoǵamdyq keńes múshesi, Naýryzbaı aýdanyndaǵy «Baqytty otbasy» ortalyǵynyń jetekshisi Sana Jandaılardy kórgende qatty qýandyq. Ol kisilerdiń kelip qan tapsyrýy - jastarǵa úlken ónege. Óıtkeni qan tapsyrýǵa kelgenderdiń basym bóligi - jastar, – deıdi «Amanat» partıasynyń Naýryzbaı aýdandyq fılıalynyń tóraǵasy Tynyshqalı Tóreǵalıuly Sáben.
Sol kúni partıanyń keńsesine 300-den astam partıa múshesi men qaıyrymdylyqqa qany jaqyn adamdar qan tapsyryp, ózderiniń bul bastamasyn basqa aýdandarǵa joldady. Meıirimdiliktiń qanymyzda bary ras, olaı bolsa, naýryzbaılyqtardyń bastamasynan tys qalmaı, úndeýge ún qosyńyzdar, aǵaıyn.